JOKATE KWA NINI?

Katika hali iliyojaa maswali na sintofahamu, Miss Tanzania namba mbili 2006, Jokate Mwegelo hivi karibuni alikutwa akiwa katika kampani na vijana wa kiume wawili ambao walijipodoa ‘kupita maelezo’, Risasi Jumamosi lilikusanya ishu.

Tukio hilo lilijiri Januari 11, mwaka huu ndani ya Ukumbi wa Mlimani City, jijini Dar ambako kulikuwa na ‘bethdei’ ya kutimiza miaka mitano kwa Nyumba ya Kukuza Vipaji Tanzania ‘THT’.
Jokate na njemba hizo mbili, walikaa kwenye meza moja huku ‘wapita njia’ wakihoji sababu za wanaume hao kujipodoa kiasi kile.
“Jamani, wale jamaa waliokaa na Jokate ni Watanzania kweli? Mh!” Alihoji mwalikwa mmoja aliyekuwa akipita karibu yao.
Msanii wa kike wa siku nyingi nchini kutokea Kundi la Sanaa la Kaole, (jina tunalo) alimuuliza Paparazi wetu kama jamaa hao waliokaa ‘beneti’ na Jokate ambaye pia ni Miss Redds 2006, ni Wabongo.

“Ni Wabongo ndiyo, kwani vipi?” Alihoji Paparazi wetu.
“Noo! Unajua vijana wetu Bongo wengi hawajipambi kiasi kile, wale wamezidisha bwana, doo! Wamejipodoa mpaka basi!” Alisema msanii huyo ambaye kwa sasa ‘ametundika daluga ukutani’.
Mbali na watu hao waliosikika, wengine hawakusema neno lakini mara kwa mara macho yao yalikuwa kwenye meza ya akina Jokate, hali iliyoonesha kuwa wana maswali mengi lakini majibu kiduchu.

Ilifika wakati, Paparazi alimvaa Jokate na kumuuliza uhusiano wake na vijana hao ambapo kabla ya kujibu aliachia tabasamu kwanza kisha akasema;
“Huyu ni mdogo wangu, yule ni jamaa yake.”

Kuna wakati Jokate alikuwa mbali na jamaa hao ambapo mwandishi alikwenda kumuuliza ‘ndugu’ wa Jokate kama madai ya mrembo huyo kuwa wao ni ndugu yana ukweli wowote.
“Hamna! Siyo ndugu yangu wala nini! Nimemzoea tu, ni mtu wangu wa karibu,” alijibu kijana huyo hali iliyomfanya Paparazi wetu kuhoji sababu ya Jokate kudanganya.

Alipomuuliza ukaribu wao unatokana na nini, alijibu: “Basi tu, mtu wangu.”
Hata hivyo, mpaka kamera yetu inaondoka kwenye ukumbi huo, Jokate alikuwa ameshika njia yake akiwa ameziacha njemba hizo.